1 no woyeu, ki ker kwamawo ka-nge kalewo, kom mani ki cwi dige a mulang kumen tiye 2 dige bwiyeu kom ki bwi kumi kom nyom yora ki di boka kwama wi nyo na ni kuwe na kume, 3 kambo tok ker yim lumati ka-nge dam narem ken, di bwaro bou kin diye man ki kume an yilam na, nawiye boro, na, nawiye ki fwere man fi cerka. 4 la kom yi tobmib, ki mani mwor kumta cili, na kume wuro na bo kimen na ni kuwe. 5 gwam kume kom bi bei filang, ke bibei ka kuke, nyo kebo bibeikume. 6 nyo kom doredum na wuro ka-ngembo ki mare tano na curo nyori bi yim ki bati ka-nge yim fwetangka yora. 7 dige bwiyeu nubo dadum tiye ki da ki kume nyo nubo notiyeu ki no ki kume. 8 kaubo bibei ka kukeu la bi yim yora, nyo bi yo kwor bilengke ka-nge wo cwi kakko ce na bi ner bero firen dii kwama. 9 kwama yibo ki na bi to kayaka nercer la nabi fiya a fuloka ki den Teluwe be kiristi Almachiya ciya. 10 co niwo bwiya ki den bere, bwenta bi kwarce kakka bwiyam, bi wari ka-nge co 11 Tano nyori kom ne dangne ka-nge kebkime bo nakom cikang buti na wuro kom matiye. 12 nyo kinong komti kebmibo kom ne dur nubo buro ma nangen tiber kimere, wuro tam ka-nge kom makumen nangen tiye ki den Teluwe, nubo buro ki nang kome. 13 nyo konong komti tak, kom nunga cinen nure kom nung cinen cwika nyo na dige kendo wuro ci manangtiyeu na kom yii yim lumam ka-nge ci. 14 nyo maki men dige datenne ti na kero kom manang cuko macine neu. tano na curo ki kom matika digero ken wuro nubo nuwa luma kimen nubo kwarub kom ci kande ci ka-nge. 15 kom to ka-nge a ya'are kece nin cile ki cile nyeu kom do bwiti nin dikero ken na gwamece. 16 Bila-ngi kang-kang 17 Kwob dulo man ki yiloka. 18 Mor diger gwam nee buka ka-ngek wo co cwika kwama mor kiristi Yeesu ki kom. 19 Domde yuwa tangbeko wucake. 20 Cwekangde to'oka dukume. 21 cuwa digero gwam, ko tam dige yoryore. 22 co-ngum gwam cile more kume. 23 kwama wo lumace ca yilam ki kom nubo ken, la gwam kume kom yilam ki bwiyer kumero, ner kumero bwikume, na yilam muwerum mwere man ki dwiti kana ken na boka Teluwe be cuwo kiristi Almachiya. 24 niwo kome ni kendo ken. 25 kebmibbo kom dulo ki denyer. 26 kom yarum kebkimebo gwam ka-nge nubo kendo. 27 mi kinong komti ki den Teluwe kom cuwo bifumer na nubo ceye gwam ki kwobka dulo 28 dila luma kwama kiristi Almachiya na yilam wari ka-nge kom.