1 Ker ceerka kiristi in ceerbo. Ko tikibi kwan, kociyare komyilam de ca-ngab fiye bolango wiye tak. 2 Komto, mo Bulus miyikomti, nokom ciya cii biye kumen lardi, kiristi mani yilati ki tikali fiye kom wiyeu gwam. 3 Nyotak miyi nubo wiyak wociya cii biye cinen lareu tamco dor can bwangten bolango wiyak. 4 Lakom cerum kiristi nin, komwo ciiya ceerkomti ki bola-ngeu; manikom nuwa luwa Kwama koti tak. 5 Laki yuwatangb Kwama, ki bilenke, biningtang yoka nereko cakcaketi ki nero wiin. 6 Mor kiristi Yesu, wobiyem lar ka-nge wo biyebo lareu cii wiin, dila kan bilenke ma na-ngenti mor cwika 7 Fiyaco kom ca kabati dong-dong. We ywamkom bwangka bilenke? 8 Ciyakakowo boubo niio cokome nin! 9 camfuwambo biduwar ki dokre mimbo fuka ducce. 10 Min ciya ka-nge kom kabum Kwamam mani kom bwangteng nuri ka-nge ti ki dmen. Co wuro kung kumen nertiyeu can nuwa dota-nge bola-nge bwenno cin we duwal di 11 Kebmibo, tano miki tokker Kwamar dorbiyeka larekri duwal di, yebwi cii neye dota-nge tiye? Lanawori ter kottangkako kwoblom bwatiye kiristim bo kutam. 12 Lanubowo kwomcang komtiyeu, min cwi nacii yala-ngum dor ciiro! 13 Kebmibo, mi cokom ker ceerkar. dikm turo ceerka kumeko nayilam idker na-nger bwiyer. 14 wori bolango gwam diim kibolango win.”Cwi nii bidom ka-nge mweu na dormwer.” 15 dila nokom ca na-nge kebkumebe tiri komka bati kati yilo kom twalng bwiti kumeu. 16 Dila mikikom yayam mor yuawtangbe, dila mani kom bwangteng diki bwikume cwitiye ti. 17 wori dike bwiyo cwitiyeu makiyeti ka-nge dike yuwatangbeko cwitiyeu, dila dikero yuwatangbeko cwitiyeu ma kiyeti ka-nge dike bwiyo cwityeu. 18 Lano yuwatang bwangtenti kikomeri, bolango mani a ma liyarti dorkumer. 19 Na-ngen bwiyero kino ngang-lang: kayaka, duti, fwandiker, bwangka fulenek, 20 kiye, kwobkangka, kor, funer, bikuwen, kutume, yalkanka, kucuni, 21 norangka ka-nge tangne dikertinim na biro. Fiyco min werangkom miki, nubo madike birotiyeu mani a doti liyar Kwamar. 22 Dila bibwiyer yuwatngbeko cowo, cwika, fuwor nerek, luma nerek, birom nem, luma nero ken, bilenke, 23 lomjome, ka-nge taka dorek, bolang mani dor dikero biro. 24 Biro yilam yesu ceu kiristi ceu ciin fwerken kulen bwiyero ka-nge cwika ciiko. 25 No yimbembo nayutangbeko ceri, daten biyayam kiyutangbe. 26 Biyalamre nob kunka dorek, mwerka dor kebbeb ka-nge nung-nung.