1-2 bwiko nyeu duklume Yafudawa wi, la Yeecu yaken wurcalima. wi wurcalima nyilok bi fwa tatik bele caji wi, wo ki nyi Ibraniyawa ki co ki Baitacda, wi ki bitukko nung cumamgum cumange 3 nubo kila-kila buro nuwa lumau, fukma, kilen, bwen co wo nani kange kani bwiyameri da rangum wi. 4 la be tomange kwama wucakeu, ki yam nyo ya bur mwembo kwama ce, la nawo yira kenten mur mwenge bureri fiya twaka bwen non twiraye co kala ticikeri. 5 nii kange wi ni wo nuwa bo luma coro kwini ta'ar cilombo narub. 6 kambo Yeecu toco ca dom wiyeri, la con nyumom nii wo dam wi coti kila-kila, la con yii co, mo cuiti na yilam kwamara? 7 nii nuwa luma toki nii meramgka “ma man ki nii wuro a dokken yeti mor mwenge na ci mok mwembori. nan bou ri kange yira kenten minen. 8 Yeecu yii co “kweni, to kwangni mweu mwa yakenti. 9 dangjang nii con twam lan tu kwani ceu cu. la diye co diye kakuk fobka, 10 la Yafudawa yii nii wa twameu, kakuk fobkak, yorbo tu kwangni mweu, 11 la con yii ci, nii wo twa yereu, yii ye tu kwama ni mwe mwa yakenti 12 cin me co, we nii co yi nen ki tu kwangni mweu mwa yakengtiye? 13 la nii wo ci twa beu nyombo we Yeecu, la Yeecu cerum da'ar, wori nubo kila kabo fiye co. 14 la kaktenri Yeecu ya fiya co kuwabe, la yii co to mon yilam kwamer, mare bwirangke tak na kange dike bwiraneu fiya nen de. 15 nii co cu yan yii Yafudawau, Yeecu twa yere. 16 lan co dike wo Yafudawa ne Yeecu dotange, won co ma nan dii keburo kakuk fobkak. 17 Yeecu yii ci teemi ma nangen ti bwen na wori, mo keneu ma manangenti. 18 co dor Yafudawa do na twalum co ciki kebo ka kanuk fobka ca kimeu, yila con co ten kwama ki te ce, tu dor ceroti dong-dong na kwama 19 Yeecu kar cinen, bicom ki bicom bwe mani a ma diker na dor ceroce kima kima kan co dike ca to tee ma tiyeu, wori dii ke na tee matiyeri, bwe kima co co ciko win. 20 wori tee cui bweti, lan nun dikero gwam wo ca matiyeu, la an nung cinen dike burombo tenang tenangeu wo la buro la na ko nyumangi. 21 kambo teeu kungum nubo bweyarangume yila ne ci dumeu, nyo ken bweu ne dumeti nii wo ca cuiyeu. 22 la tee ma bo nii nin buolang, la con neken buolangko kang bwek 23 la na nubo gwam na ne bwe dur, kanbo ci nem tee tiyeu. nii wo na nebo bwedurre di nebo teeu wo tuomceu. 24 bicom, bicom nii nuwa ker mire la ne bilenker nii wo tuom yereri wi ki dume diiri yeu, la mani a kangco ti la con cum buar con yabken dume. 25 bicom, bicom ma yi kom kwama co wi bouti, wuro nubo bwiyameu a nuwa dir bi bwe kwamaro tiyeu, la nubo buro nuwa an da. 26 na wo tee wi ki dume coki bwici, la con ne bweu na yilam ki dume ki bwici. 27 la teeu ne ken bweu bikwan kerero na mwatum bolanko wori co bibwe nii fire. 28 ko nyuman de ki wo, kwama kange bouti wo nubo wo tuweti numeu an nuwa dircero. 29 la ci an cerangu, buro mana kenneu ki yan kwenka dumek, la buro mana bwireu kiyan kwenka buolangek. 30 mani ma makange diker ti ki bwimi, nawoma nuwau, ma mabuolangko nyo, buolanmiko dong-dong, wori dike ma matiyeu kebo mo, na nii wo tuoma yerece. 31 na man warker dor mir di, warke miumani a yila bilenkeretti. 32 kange wi wo awarker ti dor mire. la man nyimom warkeu ca ne ti dor mireu bilenker. 33 kan tuom yuwa na nin, con ne warker bilenkerer. 34 la warke wo ma yoweu kebo nii fir nin, ma tok kere wo na fiya cerka. 35 yuwana kira wo titi re filang tiyeu, la kom cuiti na ko ma bilangtum mor filange ce nin biduwar. 36 dual, warke ma cike tenangi la yuwana ceu, ki nangendo wo tee ne ye nan dimeu, nangen do buro matiyeu, warker ti dor mir, nung teeu tuom ye 37 tee wo tuom yereu ki bwici warker dor mir. ka nuwambo dir cer wi ko tom bo cerkanka ceu wi. 38 kercero mani yim mor nee kume, wori ka nebo bilenker ki nii wo ca tuomu weu. 39 kom kiyerang bifumeroti kom kwatiri more ciye kan fiya dume dii ri yeu, wentati cici warkerti dor miro. 40 la kom cui bo ko bou minen nako fiya dume. 41 mani ma yo cak-lanka fiye nubo wiye. 42 la man nyumom ka man ki cuika kwamak neer kumer. 43 ma bou mor dene teemi la ka yoyebou, no na kange an bou ki den cer di kan yo co. 44 la ka nebilenker nyi kom wo ciya caklangka bwi ti kumeu, lamanikado caklankako wo bou kwama nin win ki kwaceu 45 kom kware neer fiye teemi wiyeu niiwo muca woka yoneer cineneu. 46 na kom ciyaki mucari, kan ciya kimo, wori con mulangi dor mir. 47 na kom ciya bo ki mulangka cerkori, la kom mani na ko ciya ki kermiro.