1 Bifimer naniya Yecu Kiritti bibwe Dauda, bibwe Abrahame. 2 Abram co te Icaku, Icaku te Yakub, Yakub te Yahuda kange Yitub ceb. 3 Yahuda co te Farica Kange Jera fiye Tamar wiye, Farica nyori te Hacruna. Hacarua co te Arame. 4 Aram co te Aminadabe, Aminadab co te Nacone, Nacon co te Calmone. 5 Calmon co te Buaja fiye Rahab wiye, Boaja co te Obida fiye Rut nine. Obida co te Yeece. 6 Yecce co te Liya Dauda, Liya Dauda co te Culemanu fiye wii Yuriya wiye. 7 Culemanu co te Rehobwame, Rehobwam co te Abija, Abija co te Aca. 8 Aca co te Yehocafa. Yehocafa co te Yorame, Yorame cote Uziya. 9 Uziya co te Yotame, Yotam co te Ahaze, Ahaz co te Hezekiya. 10 Hezekiya co te Manacca. Manacca co te Amone, nyori Amon co te Yociya. 11 Yociya co te Yekoniya kange yitub cebo, dong-dong fiya cuwo ci yem ci, ci yaaken kici biten Babila. 12 Bwiko ci yem ci, ci yaken ci biten Babila. Yekoniya co te Ceyaltiyele. Ceyaltiyele co te Zarubabele. 13 Zarubabel co te Abihudu. Abihudu co te Eliyakime, nimre Eliyakim co te Azuru. 14 Azuru co te Caduku. Caduku co te Akimu, nire Akimu co te Aliyudu. 15 Aliyudu co te Ali'azara, Ali'azara co te Matana. Nimre Matana co te Yakube. 16 Yakubu co te Yucubu bwe Maryamu wo fiye ci wiye ci bo Yecu wo ci cuwo ti ki Almaciu. 17 Core tau Ibrahim nin yaken ciko Dauda nineu kaltito kwob culombo naar, kange wo tau fiye yeka ciko ci yaken ki ci Babilau yaken ciko Kiritti nin, kaldo kwob culombo naar. 18 Bor Yecu Kiritti ko bwi nyo wo. Nece Maryamu ciya an nam Yucufu, naci nakangiri Maryamu kweri tum fer yuwa tangbe wucake. 19 Yucufu bwece nii cakcake, cuibo ci neco kwenduwe nuwe nobe, nyori cuiti naci nyangum kang cinen daar. 20 La ci kwa diker buro tiri, bibwe tomange kwama wucake cerkangu cinen mor dukume. yi coti “Yucufu bi bwe Dauda nuware tai, tum Maryamu wimwe, wori dike ci tum ciko fwereu ca fiya yuwa tangbe wucake nen. 21 can do bwe, mwa cuwo dencere ki Yecu, co ca fulo nubo ti fiye bwiran ker ciye. 22 Gwam wo an bwi na dim diker teluwe be toke nyii nii tomange, tokti ki, 23 “To bubya an tu fwer, naci bo bwe ciya cuwo den cero ki Imanuel” Dike dendo nungeu “Kwama wi kange bo”. 24 Yucufu kwenu dumbo nineu, maani na wo bwe tomange kwama yiceu, cin kuni con tu wice. 25 Yucufu Nyomombo wice wi co bom bwe La con co dendo Yecu.