1 Kom mare warka, na cii makumende Warka. 2 Ki Warkako kom ki wardeu, ciya warmwen ki kwele mwa cuwa, ki kwele cu ciya cuwamwen cuko 3 Ye bwi muto cukkum bwatiye ti nure kemwe dila mutobo we mweu nure mwe? 4 Kaka ca manyi mwayi kemweti Berin cok mwe be dikoro nuwe mwe, wendi cuktom bwatiyeu wo nuwemwe? 5 Mwo nii bwir teri cokum cuktum bwatiyeu nuwe mwe, na yimde mwatin dolum mwan tom yor, kambo mwa cukom cuktum watiye ti nuwe kum mwe 6 Kom nere bicurle dikerowo wucak wucakkeu. la ki kom merde bilerinin cari bwayilenner kumer kebo nyo ri ciya fuawrumci. 7 Kii ni ciya necom do mwatin fiya kwabi tak, an womwen. 8 Ca niwo keneri atin yo, wo kwaberi atin wom ci nen. 9 Kakaa weni more kume, bibwece a kenco Tilitari la a ne co ta tiye? 10 Kakaa no kenco jinge tiri a ne co na cuwetiye? 11 Nyori ca no kom bwirembo, ko yumum kambo kane bibiyo lokume lumako tiye, kambo Tee kume diyeu a ne kom dikero kentiye. 12 Na woro di gwamra dikero kom ci ti nubo amakume neu, kom macinen ken. 13 Kom doken nure wo dwaldwaleu, wori nure buareu kuya in nurewo bwaibo doka nob dokabo moreceu ci kila kabo. 14 Di la nureu yaken dumeu kwati kabo, nureu na wo bwai doka nub fiya kaceco kila bou. 15 Kom nyimi ki nob tomangeb dukumeb cuer kobe burombo bokumentiki curen kwamereu, bilinke cin nyece-nyece burombo kuyamtiye. 16 Ka tin nyumom ci kibi tuttuice nubo cok mwembo twiber ko bwi cuike kakaa nying bwi cilannge ka. 17 Nyo kwarub Tini yoken kitu bi tuttuie ken tiyo bwirko ki tuttuice bwir. 18 Tiyo yoryoreu mani tu bi tuttwi bwirti, yo tak tiyo bwir mani tu bi tuttwiy ken. 19 Tano tiyowo mani ne bituttuti kentiyeri laciya tom ciya merken mor kire. 20 La nyori kin duku bibiyem bowo anyomcitiye. 21 Kebo nubo wuyak yiye tiki Tee, Tee adokenti o kwama dila niwo bwanteng ker tee mire dii kwama. 22 Ki ka koko wo ducce an yi ki Tee, tee nyori nyamabo ker dukkumer kiden mwer nya cobo niya kiden mwer. nya mabo nangen do durbitineu ducce kiden mwera? 23 La man yici ma yomkombo ko dubomye, kom nob make bwira kerer. 24 La naweu Manang cemen cukotakeu, can dang kengco na ni nyomka wuro mu kuceu bangereu. 25 La mwembo cuweri yuwako kunou kwa luweu dila yarbo wori ci muco dor bangek. 26 Di la niwo nuwa kermirori mabo nange cike, ciya dan co kannge kulenii wo mu loceu dorbi ti nere. 27 Mwembo cuire mwem wurmamkako bou dila yuwa ko kwenu kwa luwe yalam bukti. 28 La kambo Yecu dim tokka keti ceri mwerkan kako nyimang merang ka ceko. 29 wori meran ci nen ti ki bi kwan liyarer, kebona mulangkab.