15
Hina Gode Ea Hanai
1 Hina Gode! Dia Debolo diasu amo ganodini, nowa da heda:ma:bela:?
Amola nowa da Dia hadigi sema agolo (Saione Goumi)
amogai nodone sia:ne gadomusa: leloma:bela:?
2 Nowa dunu da hou huluane amo ganodini Godema naba,
amola moloidafa hou fawane hamosa.
Ea sia: da dafawane fawane amola ogogosu hame dawa:.
3 Nowa da dunu eno ilia hou wadela:musa:, baligidu sia: hame sia:sa.
E da ea fi dunu huluane ilima wadela:le hame hamosa.
Amola, e da ea na:iyado huluane ilia hou wadela:musa:,
e da udigili sia: hame sia:sa.
4 E da nowa dunu Gode da higasa, e amola da amo dunu higasa.
Be nowa da Hina Godema fa:no bobogesea, e da amo dunuma nodosa.
E da adi dabe ilegei, fonobahadi o bagade, amo e da mae hihini hamosa.
5 E da eno dunuma ilia ema fa:no ima:ne muni iaha.
Be e da dabe lama:ne bu hame lasa.
E da noga:le hamosu dunu ilima moloidafa fofada:su amo wadela:lesimusa:,
e da hano suligisu muni o liligi hame lasa.
Nowa dunu da agoai hou hamosea, da hamedafa dafamu.
Agoai dunu, e fawane da Dia Debolo diasu amogai heda:mu.