Gesami Hea:su.
13.
Hina Gode! Di da habowali na gogolema:bela:? Eso huluanela:? habowali da Dia nama wamoaligima:bela:? 
Habowali da na se nabasu dialoma:bela:? Habowali da:i dioi hou amo na dogo ganodini gasi amola eso amoga dialoma:bela:? Habowali nama ha lai ilia na baligima:bela:? 
Hina Gode! Di nama ba:ma amola nama adole ima. Na gasa bu nima ima amola namone mae bogoma:maga. 
Na ha lai dunu da na hasali, amo mae sia:ma:ma. Ilia na dafai amo hahawane mae ba:ma:ma. 
Dia asigidafa hou da nama gasa iaha. Di da na gaga:muba:le, na da hahawane ba:mu. 
Hina Gode! Dia da nama hahawane hou hamobeba:le, na da Dima nodone gesami hea:mu.