Gesami Hea:su.
114.
Isala:ili dunu (Ya:igobe egaga fi) ilia da ga fi soge amo Idibidi fisili, gadili ahoanoba, 
Hina Gode da Yuda fi Ea hadigi fi ilegei dagoi. Amola E da Isala:ili fi Ea fidafa ilegei. 
Maga:me Hano Wayabo da ili ba:lalu, hobea:i. Yodane Hano da yogodalu yolei. 
Goumi ilia da goudi agoane hahadiasu. Amola agolo ilia da sibi mano agoane hahadia lafia:su. 
Hano wayabo! Di da adiba:le hobeabela:? Amola Yodane hano di da abuliba:le yogo ahoanu amo fisibala:? 
Goumi! Di da abuliba:le goudi manoga hadiabe defele hadialula:? Agolo soge! Dilia da abuliba:le, sibi manoga suagagala: gagadobe defele hamosula:? 
Osobo bagade! Hina Gode da mabeba:le, Ya:igobe ea Gode Ea midadi yaguguma. 
Bai E da igi amo afadenene hano wayabo hamosa, amola magufu adobo amo hano bubuga:su agoane hamosa.