Salmo.
13.
Ani satu lingag Dabid. Amugu Dwata, tan i klom fa mlifet deg? Kel kè di landè sen? Kel di kilen kafbayaam deg? 
Tan i klogu fa tmayud di klidù i nawagu? Mlidù nawagu tayud duh di kafsasè i dad to dmuen deg. 
Amugu Dwata, neyem i kagkahgu na tnabengam agu; fuléam di deg i kgalgu du fye là agu fles mati; 
du ku fles agu mati ken manla, “Tagfisanmi kenen,” na lehew i dad mlayam deg di kagfisangu. 
Kabay smalig agu di kakdom i landè kgilin, na too agu lehew du falwaam agu kadang. 
Amugu Dwata, mlingag agu di ge du mdà di bong kafyem di deg.