Salmo.
150.
Dnayenyu i Amuito Dwata! Dnayenyu Dwata ditù di Bong Gumnean; dnayenyu kenen di mgagid gumnean ditù di langit. 
Dnayenyu kenen mdà di dad gamtikeng mgimoan; dnayenyu i bong kdatahan landè gasngad dun. 
Dnayenyu kenen fagu di kyufyu dad féwyu, na fagu di kbityu dad fuglung na arfayu. 
Dnayenyu kenen fagu di kbagulyu i dad kulintang na fagu di ksayewyu, na fagu di kbityu dee bung agaf nun tafas, na fagu di kyufyu dad slali. 
Dnayenyu kenen fagu di kbagulyu dad slagi; dnayenyu kenen fagu di kbagulyu dad malbang falimak. 
Kdee nun nawa, dnayenyu Amuito Dwata. Dnayenyu Amuito Dwata!