Dad Fngewe.
28.
I to sasè, gal mila du nun klikoan, balù landè tmafik kenen, bay i to matlu là likò, gambet i lmanaf liyun landè klikoan. 
Ku sasè nimò i dad to di satu banwe, gal matlas i ulula, du làale gmagan mebe, bay i ulu nun gnadè na nun kaglabatan, kenen sa gmagan mebe i satubanwe di gufye. 
I to nun glal mkut i dad to landè, kenen gambet i too bong ulen falmo i dad fule. 
I dad to là kmabas i dad flalò, msen ale di dad to sasè, bay ku mimen ale i dad flalò, dmuen ale i dad to sasè. 
I dad to sasè, là ale gamlabat i katlu nimò di dademe to, bay i dad to mayè gmadè knayè Dwata too ale gamlabat. 
Fye fa i to landè ku matlu i nimoan, di to nun knun bay mlimbung i demen to. 
I tingà mimen i dad flalò nun kaglabatan, bay i tingà magin i dad to mimò sasè fyaan i maan. 
I to mbaling nun knunan fagu di bong kafngaan i filak fdeman, i knunan ani baling gablé di to mayè mlé di dad to landè. 
I to là flinge i flalò Dwata knang Dwata i dasalan na laan fanlinge. 
I to fagsalà i satu to fye, kenen baling gamdawat i flayam, bay i to fye, gamdawat i kafye. 
Slaan di fandam i to nun knun, too glut nun kfulungan, bay i to landè i nun kaglabat, gmadè i kaglut ku glut fulung kudemen là. 
Ku nun satu to matlu mgimò ganlal too flehew i dad to, bay ku nun satu to sasè mgimò ganlal salbuni baling i dad to dulikò ale. 
Landè gufye i to gal muni i dad salaan, bay i to tmulen i dad salaan di Dwata na tnagakan, nlifet Dwata isalaan. 
Nun kafye di to gal mimen Dwata, bay i to fgal i ulun, nun kaflayaman kel di kenen. 
I ukum i dad bong labè lmanaf dnagit liyun na béar ku bitil, salngad i ukum i sasè ganlal magot i dad to landè du slame ale tookanlikò. 
I satu ganlal kulang kaglabat, landè sa kakdon, bay i ganlal là mayè mlimbung, du fye matnù i knunan, too mlawil iglalan. 
I to manò i demen to, too msamuk i nawan, na tatì mimò i kalmon. Na tatiam kenen faloh. 
I to mimò i matlu nimò maklung kenen di sasè, bay i to là mimò i matlu nimò laan twan i kfugenan di ksasè. 
I to too mimò di tanaan nun bong knaanan, bay i to gal falmo i duh di landè fye nimoan, baling kenen tolandè. 
I to gsalig nun gufyen, bay i to mayè mlal nun knunan fagu di klimbung, fanlayam kenen. 
Là fye ku i to gal mukum ku nun nsenan, bay nun dademe dad mukum mimò sasè, du fye nun gwèla balù alòtukay. 
I to mademet too mayè ku mlal nun knunan, bay laan twan kakel i klandean. 
I to mngak i demen to, too mabtas fa di satu to dmayen kenen fagu di dee manan, bay kadì là mdà dinawan. 
I to tmaku di maan demen di yéan, na manan, “Ise sa salà inimògu,” salngad ku dmeme i to gal falmo i demen to. 
I to lom too gal smamuk, bay i to smalig di Dwata nun gufyen. 
I to smalig i kton, kenen sa i to là fulung faldam, bay i to mlalò i dalan kfulung, maklung kenen di sasè. 
I to mlé di to landè landè gukulangan, bay i to là kamdo i to landè, fanlagi kenen i dad to. 
Ku nun satu to sasè, mgimò ganlal, salbuni baling i dad todu likò ale, bay ku talandè glal i sasè ganlal, matnù i dad to fye.