Soũↄ.
20.
Davidi lɛ. 
Dii sinnↄ n yeelɛa guu, Yakↄbu buiↄ Lua n sɛ lɛsĩ. 
Kua za aà kúkĩi a n suaba, kua za Siↄna a dↄnlɛ. 
Aà n sa'oa píi sí, n sa'obↄↄ i dↄaàgu. 
Aà pↄ́ pↄ́ n pↄ gbà kpama, aà to ǹ yã́ pↄ́ ńlɛ yá le, 
wí gulakɛ zĩ pↄ́ ń blè yã́ musu, wí dàlapoo da ń wá Lua tↄ́o. Dii wabi pↄ́ ń kɛ̀ sinnↄ píi. 
Má dↄ̃̀ sa Dii ì kía pↄ́ a kpà suaba, ì siaànↄ za a bɛ pↄ́ a kua adoau, i to aà zĩble ń a gã̀sa gbãao. 
Gbɛ̃eↄ ì zĩkasↄ̃goↄ náaikɛ, gbɛ̃eↄ ì sↄ̃́ↄ náaikɛ, wápiↄ sↄ̃, Dii wá Lua náai wi kɛ. 
Ampiↄ, aa kúlɛ aa lɛ́lɛ, wápiↄ sↄ̃ wáↄ zɛa gíũgiũɛ. 
Dii, to kí zĩble, tó wa lɛzùnzi, síwanↄ.