Soũↄ.
47.
Kole buiↄ lɛ. 
Bui píi, à ↄtaalɛ, à kúkuakɛ Luaɛ ń gulao. 
Asa Dii Musude kà wàↄ aà vĩa vĩ, dṹnia gbɛ̃́pii Kía zↄ̃ↄn aà ũ. 
A tò wa zĩblè buiↄwa, a tò wa ↄ̃zↄ̃̀ gbɛ̃́piↄwa. 
À kpaalɛsɛ̀wɛ̃ɛ, wápiↄ aà yenzide Yakↄbu buiↄ ĩ́andãbↄ ũ. 
Lua fɛ̀lɛ, wàlɛ gulakɛ, Dii zɛa, wàlɛ kã̀aepɛ. 
À lɛsi Luaɛ, à lɛsiɛ̀, à lɛsi wá Kíaɛ, à lɛsiɛ̀. 
Asa dṹnia píi Kían aà ũ. À lɛsiɛ̀ ń dↄ̃ao. 
Lua lɛ́ kible bui píiwa, a zↄ̃lɛa a báa pↄ́ a kua adoawa. 
Bui píi kpalablenaↄ lɛ́ kãaa ń gbɛ̃́ pↄ́ dɛ Ablahaũ Lua gbɛ̃́ↄ ũↄ, asa dṹnia kíaↄá Lua pↄ́ɛ. A dɛńla píi.