Soũↄ.
97.
Dii mɛ́ lɛ́ kible! Dṹnia gbɛ̃́ↄ, à pↄnakɛ, ísiabaadeↄ, àↄ ku pↄna guu. 
Luabɛpuana ń a sianao liaaaàzi, yã́zɛde ń yãmaao mɛ́ aà kpala zĩ́na ũ. 
Tɛ́ ìↄ dↄaaaɛ̀, ì kũ aà ibɛɛ pↄ́ liaaaàziↄwa. 
Aà loupilɛaↄ ì tↄↄlɛ pu, tó dṹnia è, ì lualua. 
Gbɛ̀sĩsĩↄ ì yↄ lán zↄ́nisiwa Dii aɛ, dṹnia gbɛ̃́pii Diipi aɛ. 
Musudeↄ ì aà maakɛa kpàwakɛ, bùsu píi gbɛ̃́ↄ ì aà gawi e. 
Wí ì tã́agbagbanaↄ kṹ, gbɛ̃́ pↄ́ aaì ĩ́anadã ń tã́apiↄ. Diipiↄ kúlɛ aà aɛ ḿpiiɛ. 
Tó Siↄnadeↄ mà, aa pↄnakɛ, Yuda wɛ̃́lɛdeↄ aaↄ ku pↄna guu n yã́kpalɛkɛaↄ yã́i, Dii. 
Dii Musuden n ũ dṹnia gbɛ̃́piiɛ, n zↄ̃ↄ dɛ diiↄla píi. 
Gbɛ̃́ pↄ́ ye Diiziↄ, à za vãigu. Ìↄ a yãmanaↄ wɛ̃ni kũanɛ́, ì ń bↄ vãikɛnaↄ ↄu. 
Ì gupu gbɛ̃maaↄnɛ ń zɛ́u, ì pↄna tↄ̃ nↄ̀sɛpuadeↄ guu. 
Gbɛ̃maaↄ, à tó á pↄ kɛ Diiwa na, à aà tↄbↄ, asa a ku adoa.