Soũↄ.
136.
À Dii sáaukpa, asa a maaɛ, aà gbɛ̃kɛ láaa vĩo. 
À luaↄ Lua sáaukpa, aà gbɛ̃kɛ láaa vĩo. 
À diiↄ Dii sáaukpa, aà gbɛ̃kɛ láaa vĩo. 
Ɔ̃mɛ ì dabudabu zↄ̃ↄↄ kɛ ado, aà gbɛ̃kɛ láaa vĩo. 
Ɔ̃mɛ musu kɛ̀ ń a ↄ̃nↄo, aà gbɛ̃kɛ láaa vĩo. 
Ɔ̃mɛ tↄↄlɛ pòo ía, aà gbɛ̃kɛ láaa vĩo. 
Ɔ̃mɛ gupuakũna zↄ̃ↄↄ kɛ̀, aà gbɛ̃kɛ láaa vĩo. 
À ĩatɛ̃ kɛ̀ à kible fãanɛ, aà gbɛ̃kɛ láaa vĩo. 
Mↄvua ń saanaↄ ì kible gwã́, aà gbɛ̃kɛ láaa vĩo. 
Ɔ̃mɛ Egipiↄ nɛgↄ̃ɛ sɛ̃́iaↄ dɛ̀dɛ, aà gbɛ̃kɛ láaa vĩo, 
À Isailiↄ bↄ̀lɛ ń guu, aà gbɛ̃kɛ láaa vĩo. 
À a gã̀sĩ pòo ń a iko gbãao, aà gbɛ̃kɛ láaa vĩo. 
À Ísia Tɛ̃a zↄ̃̀ɛ pla, aà gbɛ̃kɛ láaa vĩo. 
A tò Isailiↄ gɛ̃̀ ípi zãnguo, aà gbɛ̃kɛ láaa vĩo. 
A tò ípi dà Falaↄ̃ↄ ń a zĩgↄ̃ↄla, aà gbɛ̃kɛ láaa vĩo. 
Ɔ̃mɛ dↄ̀aa a gbɛ̃́ↄnɛ guwaiwaiu, aà gbɛ̃kɛ láaa vĩo. 
Ɔ̃mɛ kía zↄ̃ↄↄ tↄ̀lↄzↄ̃̀, aà gbɛ̃kɛ láaa vĩo. 
À kía gawideↄ dɛ̀dɛ, aà gbɛ̃kɛ láaa vĩo. 
Amↄleↄ kí Siↄ̃, aà gbɛ̃kɛ láaa vĩo. 
Ń Basana kí Oguo, aà gbɛ̃kɛ láaa vĩo. 
À gbadà ń ń bùsuo, aà gbɛ̃kɛ láaa vĩo. 
A kpà a zↄ̀blena Isailiↄwa, aà gbɛ̃kɛ láaa vĩo. 
Ibɛɛↄ ↄnaalɛawá i sãaàguo, aà gbɛ̃kɛ láaa vĩo. 
À wá bↄ́lɛ wá ibɛɛpiↄ guu, aà gbɛ̃kɛ láaa vĩo. 
Ɔ̃mɛ ì blɛ kpa pↄ́piiwa, aà gbɛ̃kɛ láaa vĩo. 
À Lua Musude sáaukpa, aà gbɛ̃kɛ láaa vĩo.