Soũↄ.
149.
Àleluya! À lɛ̀ dafu sí Diiɛ aà yãmanaↄ! À aà táasilɛ balu guu! 
Isailiↄ, à vĩ àↄ kɛ̃aa á Kɛna yã́ musu. Siↄnadeↄ, à pↄnakɛ ń á kíao. 
À ↄ̃wã à aà tↄbↄ, à aà táasilɛ ń mↄↄnao ń gã̀ao. 
Asa Dii gbɛ̃́ↄ yã́ ì kaaàguɛ, ì zĩabusanaↄ kpɛla à ń suaba. 
Dii yãmanaↄ kúkuakɛ ń gawipiu, an gula aↄ dↄ ń lii musu. 
Lua táasilɛa aↄ dↄ ń lɛ́u, fɛ̃nda lɛ́ pla aↄ naa ń ↄzĩ, 
aa tↄsiò buiↄwa, aai bùsu píi gbɛ̃́ↄ wɛtãò, 
aai ń kíaↄ yeye ń mↄdaonaↄ, aai galakpa ń kíabuiↄnɛ, 
aai sɛ́ńnↄ lá Lua yãdàńlawa. Dii yãmanaↄ tↄbↄ a guu. Àleluya!