Isaia.
12.
Zĩbeezĩ á o à mɛ: Wa n sáaukɛ̀ Dii! Baa kɛ́ n pↄ pàwázi, n pↄ wèewá, ↄ̃ n wá nↄ̀sɛ nìniwɛ̃ɛ. 
Lua mɛ́ wá Suabana ũ, wáↄ aà náai vĩɛ, vĩa a wá kũo. Dii mɛ́ wá gbãa ũ, aà táasi wi lɛ́, ↄ̃mɛ wá suabà. 
Á ítↄ ń pↄnao suaba nibↄnaↄi. 
Zĩbeezĩ á o à mɛ: À Dii sáaukpa à aà sísi, à to buiↄ aà yãkɛaↄ dↄ̃. À onɛ́ Dii mɛ́ tↄbↄ̀ ado. 
À lɛsi Diiɛ, asa à tidↄ̀ńlaɛ, à to dṹnia gbɛ̃́pii yã́pi dↄ̃. 
Siↄnadeↄ, à wiilɛ à gulakɛ, Isailiↄ Lua pↄ́ a kua adoa zↄ̃ↄ, mɛ́ a kú á guu.