Ozee.
13.
Kɛ́ Ɛflaiũ buiↄ yã'ò, wà lùalua, aamɛ gbãa Isailiↄ guu. Ɔ̃ aa tàaekɛ̀ Baali yã́ musu, a yã́i an kpala a gai. 
An duunkɛa lɛ́ dɛdɛɛ sa, aalɛ ã́nusu kása ńzĩaɛ tã́aↄ ũ. An ↄzĩkɛnaↄ mɛ́ lɛ́ ń diipiↄpi ń ↄ̃nↄ lɛ́u. Wì ń yã'o wì mɛ, aaì sa'o ń gbɛ̃nazĩnao, aaì lɛ́pɛpɛ zugaae taaↄwa. 
A yã́i tò aa gↄ̃̀ lán suakpaa kↄↄwa, lán kↄↄkↄↄ fíi pↄ́ ì gɛ̃zɛawa, lán ése ṹa pↄ́ zàa ì sɛ́lɛwa, lán súɛlɛ pↄ́ ì bↄ fɛnɛntiuwa. 
Mámɛmaa Dii á Lua pↄ́ á bↄ́lɛ Egipi. Ásu àↄ diie dↄ̃o, ma bàasio. Suabanae kuo, sema mapi. 
Mámɛ ma á gwá guwaiwaiu, ma ↄlìaázi bùsu guwãadeu. 
Kɛ́ ma á dã́dãkɛ̀, a kã. Kɛ́ a kã á làa, a ázĩa sɛ̀ lɛsĩ, ↄ̃ ma yã́ sã̀águ. 
Too! Má kusiwá lán nↄ̀ↄmusuwaɛ, mí á dã́dã zɛ́u lán gbɛaanawa. 
Má mlɛ̃wá lán wài pↄ́ wà a nɛ́ sɛ̀lɛwaɛ, mí á kùa goaa mà á só lán nↄ̀ↄkusiwa, má á taitai lán maiwa. 
Á Isailiↄ, á kaalɛɛ, kɛ́ a bↄ mapi á Dↄnlɛde kpɛ yã́i. 
Á kía pↄ́ ì á suaba ku máɛ sa? Á wɛ̃́lɛ dↄaana pↄ́ á ònɛ́ aa kía kpáɛ́ↄ ku má ni? 
Ma kía kpàɛ́ ń pↄkũmao, ↄ̃ ma aà sìwá ń pↄfɛ̃o. 
Ɛflaiũ buiↄ yãvãiↄ dilɛa, wà ń duuna kà láu. 
Aa dɛ lán nɛ́ sↄũwa a igↄↄ, nↄwãwã mↄ̀, ↄ̃ nɛ́pi gì bↄi. 
Má ń bↄ bɛda gbãaue? Má ń sí gawae? Ga, n sɛwɛ kúmáɛ? Bɛda, n gbɛ̃kaalɛbↄ sↄ̃ bɛ? Má ń wɛgwao. 
Baa tó Ɛflaiũ buiↄ kↄ̃̀ ń gbɛ̃́ↄ guu, ĩ́an wãa a bↄ guwaiwaiu à sumáɛ. Nibↄna a giigaga, lↄ̀ↄ'i a ba, wa lɛ́lɛ ń làasiↄwaɛ, wi ń pↄ́ bɛɛɛdeↄ sɛ́lɛ.