SAAMUNƆ.
3.
Lɛ̀ kɛ̀ Dauda dà gurↄↄ kɛ̀ à bàa lɛ̀ a nɛ́ Abusalomunɛ. Dii, ma wɛdɛrinↄↄ kpámɛ fá, gbɛ̃ kɛ̀ aↄ̃ íbɛtɛ kpàmaonↄↄ pari. 
Wèe ma yã oo pari, wèe bee Luda é ma mì síro. 
Mpi sↄ̃ Dii, nɛɛ̀ ↄ ligamazi sɛngbango ũ, ma gakuin n ũ, nɛɛ̀ tó ma mì gↄ̃ da'ilana. 
Mɛɛ̀ wii pɛ́ Diizi, è wemala zaa a kúkiia kpiii musu. 
Mɛɛ̀ daɛ mà ii o mà vu, zaakɛ Diin ma kũna ũ. 
Gↄ̃ↄn bↄrↄ baaagↄ̃ akurikurinↄↄ e ma wɛɛ kpa sãnda píngia, mↄde mɛɛ̀ vĩa kɛńnɛro. 
Ǹ fɛɛ, Dii, ǹ ma mì sí, ma Luda, ǹ ma ibɛɛnↄ swãn kɛkɛ, ǹ gbɛ̃ zaaa pìnↄ swaa ɛ́'ɛ. 
Dii bé è gbɛ̃ mì sí. Ǹ aubarika da n gbɛ̃nↄn.