SAAMUNƆ.
6.
Dauda lɛ̀. Wè sí kↄ̃n mↄrↄlɛnaomɛ. Dii, ǹton kpãkɛ̃mazi kↄ̃n pɛ̃tɛ̃oro, ǹton ma toto kↄ̃n pↄfɛ̃oro. 
Ǹ ma wɛ̃nda gwa, Dii, zaakɛ ma ã'ã, ǹ ma kɛ̃kↄ̃a, Dii, zaakɛ ma wánↄↄ e wii. 
Ma pↄↄ yàka búgubugu, Dii, bↄrɛn nɛ́ dↄmalɛɛ? 
Ǹ ɛara ǹ ma mì sí, Dii, ǹ ma faaba kɛ n gbɛ̃kɛ yãnzi. 
Zaakɛ gɛ̀ é e à n tↄ́ kpáro, weé n sáabu kpá mira guuro. 
Ma m̀bona ma kpasa, ma mìbↄkↄ è ga kↄ̃n wɛ́ɛ'io, ma daɛbↄ è yĩi kũ ai guu gá dↄo. 
Ma wɛ́ɛ kakana kↄ̃n pↄsia ↄ́ↄdↄnao, èe gaa kɛ̀ ma ibɛɛnↄↄ pari yãnzi. 
À gu ma kiia zaakɛrinↄ, zaakɛ Dii ma ↄ́ↄdↄna mà. 
Dii ma wiipɛna mà, Dii ma aduakɛna sì. 
Wí é ma ibɛɛnↄ kũ ń píngi aↄ̃ gↄ̃ bídi guu, aↄ̃é fu kãndo aↄ̃ kpɛɛ li.