SAAMUNƆ.
12.
Dauda lɛ̀. Wè sí kↄ̃n mↄrↄlɛnaomɛ. Ǹ ma mì sí, Dii, zaakɛ gbɛ̃ maa kee kuu dↄro, náanɛdee yã̀a gbɛ̃nteenↄ tɛ́. 
Baade è ɛgɛɛ to a gbɛ̃daaanɛ, è lɛ́nnaa kásańnɛ kↄ̃n nↄ̀sɛo plaa. 
Dii, ǹ lɛ́nnade lɛ́ kↄ̀ ɛ́ kↄ̃n gbɛ̃ kɛ̀ è a zĩnda sɛ́ lezĩo. 
Aↄ̃è be ń lɛ́ bé eé tó wà zĩ̀ ble, wà ń lɛ́ vĩ, dé bé eé kí bleḿmaa? 
Wɛ́ɛtãna gbɛ̃ busɛnↄa kↄ̃n wɛ̃ndadeenↄ m̀bonao yãnzi Dii bè é fɛɛ sa à ń gba zɛ́bↄkii kɛ̀ aↄ̃ↄe à ni dɛɛ. 
Dii yã see vĩro, à dɛ lán kondogi kɛ̀ wà yↄ̀ tɛ́vura guu wà bàasa gɛ̃̀n swɛɛplaaa bà. 
Mpi Dii, nɛ́gↄ̃ wa dãkpaa gurↄ píngi, nɛ́ wa sí gbɛ̃ beee takanↄa. 
Tó gbɛ̃nↄ yã bɛ̃̀ɛ kũ̀ ↄplaplaa, gbɛ̃ zaaanↄ ègↄ̃ lili oo kↄ̃n ĩadãnao gu píngia.