SAAMUNƆ.
16.
Dauda lɛ̀. Ǹ ma dãkpa Luda, ḿbe ma nanzi. 
Ma bè Diinɛ: Ḿbe ma Dii ũ, n baasiro má pↄ́ maa ke vĩro. 
N gbɛ̃ kɛ̀ aↄ̃ↄ kú bùsu kɛ̀ guunↄ, aↄ̃mbe gakuidee kɛ̀ wà kɛ̀mɛɛnↄ ũ. 
Gbɛ̃ kɛ̀ aↄ̃è wã wà gá tãa kiianↄ è yã'ↄ̃amma kpá ń zĩndazimɛ. Mɛ́ sa'o'aru kwɛ́ɛńyoro, weé ń tãanↄ tↄ́ ma ma lɛ́zĩro. 
Dii, ḿbe má n vĩ ndo, n ma ka ma bakaa, ma wɛ̃̀ndi kú n ↄzĩmɛ. 
N tↄↄtɛ lɛ́zɛkiinↄ kɛ̀mɛ gu maaa guu, gbaa kɛ̀ ń dàmɛɛ kɛ̀mɛ. 
Mɛ́ Dii sáabu kpá kɛ̀ è lɛ́ dama yãnzi, baa gwãavĩ è tó ma swɛ̃̀ ma gba làakari. 
Mɛɛ̀gↄ̃ Dii ee ma wɛ́ɛn, lán à kú ma ↄplaazi nà, pↄ́ke é ma degero. 
Beee yãnzi ma pↄↄ ègↄ̃ nnazi, ma nↄ̀sɛguu pù. Má tãmaa vĩ kɛ̀ ma mɛ̀ égↄ̃ kuu, 
zaakɛ nɛ́ ma tó mira guuro, nɛ́ we n gbɛ̃ kɛ̀ kú adona yai kũro. 
N ma da wɛ̃̀ndi zɛ́a, ma pↄnnaa égↄ̃ pana n kiia, pↄ́ maaanↄ égↄ̃ kú n ↄzĩ gurↄ píngi.