SAAMUNƆ.
28.
Dauda lɛ̀. Dii, ḿbe ma gbɛ̀si ũ, mɛ́ɛ n sisii, ǹton ma yã kpá swãkotoro. Tó n yĩtɛmala, mɛ́ gↄ̃ lán gbɛ̃ kɛ̀ aↄ̃ sì gɛ̀wãa guunↄ bàmɛ. 
Mɛ́ɛ dↄnlɛ wii pɛɛmma, ǹ swã kpámazi, mɛ́ɛ ma ↄ sɛɛ n kúkii kpa. 
Ǹton ma gáɛ lɛdo kↄ̃n gbɛ̃ bɛ̃̀ɛnↄ ke zaakɛrinↄoro. Aↄ̃è yã nnaa o ń gbɛ̃daaanↄnɛ, mↄde zangu bé à kú ń swɛ̃̀n. 
Ǹ kɛńnɛ aↄ̃ yãkɛnaa kↄ̃n ń zaakɛnao, ǹ fĩa bońnɛ ń dàa lɛ aↄ̃ yã zaaa wí ń musu. 
Aↄ̃è Dii yãkɛna kↄ̃n à zĩkɛnao yã daro, eé ń gboro, eé ń fɛɛ dↄro. 
Aubarikadeen Dii ũ, zaakɛ à swã kpà ma wɛ̃nda wiipɛnazi. 
Diin ma gbãaa ũ kↄ̃n ma sɛngbangoo, má à náanɛ vĩ ma swɛ̃̀n. È ma ĩan ká, ma pↄↄ è kɛ nna, mɛɛ̀ à sáabu kpá kↄ̃n lɛ̀sinao. 
Diin a gbɛ̃nↄ gbãaa ũ, à dɛ utɛkii ũ kí kɛ̀ à kànɛ, è à mì sí. 
Ǹ n gbɛ̃nↄ mì sí ǹ aubarika dańgu, ǹ ń dãkpa ǹgↄ̃ ń kũna gurↄ píngi.