SAAMUNƆ.
41.
Dauda lɛ̀. Aubarikadeen gbɛ̃ kɛ̀ è gbãasaide yã daa ũ, Dii è à bↄ nawɛ̃akɛgurↄ. 
Dii é à dãkpa à à gba wɛ̃̀ndi gbã̀a, eé aubarika dan a bùsun, eé à na à ibɛɛnↄ ↄzĩ aↄ̃ ń pↄyezi kɛaro. 
Dii é à dãkpa à gyãpɛa, eé tó à a gyãa pì ble. 
Ma bè: Dii, ma durun kɛ̀nnɛ, ǹ ma wɛ̃nda gwa ǹ ma gba aafia. 
Ma ibɛɛnↄ è ma kpákpa gaao wà be: Bↄrɛn eé ga lɛ à tↄ́ kaatɛɛ? 
Tó aↄ̃ mↄ̀ ma gwa, ɛgɛyãn aↄ̃è omɛ, aↄ̃è baaru zaaa wɛtɛ ma yã musu, ben aↄ̃è fɛɛ wà gá wàgↄ̃ yã pì fãa bàazi. 
Ma zangurinↄ è ma kpákpa à zaaao, aↄ̃ píngi aↄ̃è àisi zaaa kpámazi wà be: 
Gagyãa bé à à lè, eé fɛɛ a daɛkiia dↄro. 
Baa ma gbɛ̃nna kɛ̀ ma à náanɛ kɛ̀, kɛ̀ weè ↄ kakↄ̃a ta dↄ̃nkↄ̃ guu bↄ̀ ma kpɛɛ. 
Mmↄn sↄ̃ Dii, ǹ ma wɛ̃nda gwa, ǹ ma gba aafia lɛ mà fĩa bońnɛ. 
Tó ma ibɛɛnↄↄ e ma yↄ̃̀gↄ̃ kɛmaro, mɛ́gↄ̃ dↄ̃ sa kɛ̀ ma yã kànnɛ. 
Ń ma kũna ma nↄ̀sɛ maaa yãnzi, ń tò màgↄ̃ kú n aɛzĩ gurↄ píngi. 
Aubarikade Dii, Isarailinↄ Luda zaa káaku ai gurↄ píngi! Aami! Aami!