SAAMUNƆ.
64.
Dauda lɛ̀. Luda, ǹ ma m̀bna ma, ǹ ma bↄ ma ibɛɛ kɛ̀ aↄ̃ↄe vĩa daamaziinↄ ↄzĩ. 
Ǹ ma utɛ gbɛ̃ zaaa kɛ̀ aↄ̃ lɛ́ kpàkↄ̃sↄ̃maziinↄnɛ, zaakɛri zↄkadee pìnↄ. 
Aↄ̃è ń lɛ́ lɛ́ kɛ lán fɛ̃ɛdaa bà, yã pãsĩnↄ è bↄ ń lɛ́n lán kà sɛwɛɛdee bà. 
Aↄ̃è taarisaidee dãdã lɛ wà à pá, aↄ̃è à pá kãndo, vĩa è ń kũro. 
Aↄ̃è kↄ̃ yĩpa wà da zaakɛna guu, aↄ̃è bàkpakpannɛna gusaɛ yã gↄ̃gↄ̃ aↄ̃è be: Gbɛ̃ke é wa ero. 
Aↄ̃è zaakɛna yã gↄ̃gↄ̃ wà be, yã kɛ̀ wa à lɛ́ kpàkↄ̃sↄ̃ bↄɛzina. Gbɛ̃ntee nↄ̀sɛguuyãnↄ asii bíta. 
Mↄde Luda é ń pá kào, eé ń kɛ̃nna kãndo. 
Eé tó yã kɛ̀ aↄ̃ↄ ò wí ń musu, gbɛ̃ kɛ̀ ń é píngi égↄ̃ mì kɛ degũdegũ wà be taalɛ. 
Vĩa é baade píngi kũ, aↄ̃é Luda yãkɛnanↄ tↄ̃kɛ̃, aↄ̃égↄ̃ yã kɛ̀ à kɛ̀nↄ laasuu lɛɛ. 
Gbɛ̃ maaanↄ, àgↄ̃ pↄnnaa kɛɛ Dii guu à nazi, nↄ̀sɛpuradeenↄ, àgↄ̃ à táaki lɛɛ á píngi.