SAAMUNƆ.
70.
Dauda lɛ̀. N yã nna Luda, ǹ ma mì sí, Dii, ǹ kɛ kpakpaa ǹ mↄ́ ǹ dↄmalɛ. 
Ǹ tó wí gbɛ̃ kɛ̀ aↄ̃ↄe ma wɛɛ wà ma dɛɛnↄ kũ, aↄ̃ ń mì pɛ́ɛ. Ǹ tó gbɛ̃ kɛ̀ aↄ̃ↄ yezi mà mↄ́nzi eenↄ kpɛɛ li, aↄ̃ uu yãkↄ̃tɛ. 
Gbɛ̃ kɛ̀ aↄ̃è bemɛ taalɛ taalɛɛnↄ, ǹ tó aↄ̃ ɛara kↄ̃n wíyão. 
Gbɛ̃ kɛ̀ aↄ̃ↄe n kii wɛtɛɛnↄ pↄↄ kɛmma nna aↄ̃ yáa dↄ. Gbɛ̃ kɛ̀ aↄ̃ↄ ye n mìsinazinↄ gↄ̃ bee Luda bíta. 
Takaaside wɛ̃ndadeen ma ũ, Luda, ǹ kɛ kpaa. Ḿbe ma dↄnlɛri ũ kↄ̃n ma mìsirio, Dii, ǹton gì kɛro.