SAAMUNƆ.
75.
Asafa lɛ̀. Wa sáabu kɛ̀nnɛ Luda, wa sáabu kɛ̀nnɛ. Tó wà n yãbↄnsaɛnↄ tↄ̃kɛ̃̀, nɛɛ̀gↄ̃ kú kĩi. 
Luda bè: Ma gurↄↄ dìɛ kɛ̀ mɛ́ yãkpaɛ kɛ a zɛ́a. 
Tó anduna nìgã kↄ̃n gbɛ̃ kɛ̀ aↄ̃ kúnnↄ ń píngi, mámbe mɛɛ̀ à wesagbanↄ kũ gíngin. 
Mɛɛ̀ o wadadeenↄnɛ aↄ̃ton ĩa dãro, mɛɛ̀ o zaakɛrinↄnɛ aↄ̃ton kùsɛ biiro. 
Àton kùsɛ bii ludambɛaro, àton waa nↄnↄmaziro. 
Zaakɛ gbãaa è bↄ ↄfãntɛ̃bↄɛ kpa ke a gɛ̃kpɛn kparo, è bↄ gbáanlo, 
Ludan yãkpaɛkɛri ũ, àmbe è gbɛ̃ doo lago à gbɛ̃ doo kaara. 
Togoo kú Dii ↄzĩ, í gbãaa kán à pà, èe sɛsɛɛ à pↄfɛ̃ ũ. È kú anduna zaakɛrinↄnɛ ń píngi, ben aↄ̃è mi wà yãa láe kↄ̃n à gbↄ̃̀o. 
Mapi sↄ̃, mɛ́gↄ̃ yã pì oo gurↄ píngi, mɛ́ Yakubu Luda táaki lɛ́. 
Mɛ́ zaakɛrinↄ koba ɛ́'ɛ, gbɛ̃ maaanↄ koba sↄ̃, mɛ́ sɛ́ musu.