SAAMUNƆ.
81.
Asafa lɛ̀. À guda dↄ Luda wa gbãaaa, à pↄnna wii pɛ́ Yakubu boriinↄ Ludaa. 
À lɛ̀ dↄ à bata lɛ́ kↄ̃n mↄrↄ'ↄ nnaao kↄ̃n kuntigio. 
À kuu pɛ́ mↄ dufu bↄnao, à pɛ́ tó mↄↄ ↄzi kɛ̀ wa zĩbaagurↄ, 
zaakɛ à dɛ doka ũ Isarailinↄnɛmɛ. yã kɛ̀ Yakubu boriinↄ Ludaa dìɛn gwe. 
À yã pì dà Yusufu boriinↄnɛ gurↄↄ kɛ̀ à vĩ̀ Igipiti bùsula. Aↄ̃ kòto kɛ̀ wà dↄ̃roo mà à bè: 
Ma asoo gò a gã̀n, ma a ↄↄ bↄ̀ɛ ɛ̃ɛbona zĩin. 
A wii pɛ̀mazi nawɛ̃akɛgurↄ, ben ma a bↄ, ma weala zaa louvĩnan, ma a lɛ ma a gwa zaa Mɛriba í kiia. 
À swã kpá ma gbɛ̃nↄ, mɛ́ lɛ́ daawa, amↄa Isarailinↄ, tó é ma yã ma dé! 
Àtongↄ̃ bori zĩ̀tↄnↄ tãa vĩ a tɛ́ro, àton kúɛ dii pãndenɛro. 
Mámbe Dii a Luda ũ, ma a bↄɛ Igipiti. À a lɛ́ wɛ̃, mɛ́ tó àgↄ̃ kãna. 
Mↄde Isarailinↄ gì ma yã mazi, ma gbɛ̃ pìnↄↄ e mì siɛmɛro. 
Ben ma ń tó kↄ̃n ń swãgbãakɛɛo, aↄ̃ↄ tɛ́ ń zĩnda pↄyezizi. 
Tó wà be Isarailinↄ é ma yã ma, tó ma gbɛ̃nↄↄ tɛ́ ma yãzi, 
lɛ mɛ́ ń ibɛɛnↄ sↄ̃ɛ gↄ̃ↄgↄ̃ↄ, mɛ́ ↄ sↄ̃ ń zangurinↄzi. 
Ma zangurinↄ é na ń sàsaa ma aɛ, aↄ̃ wɛ́ɛtãmmana égↄ̃ yãana vĩro. 
Mɛ́ gbasa mà a gwa kↄ̃n pↄ́wɛɛ maaao, mɛ́ ɛara mà gbɛ̀ zↄ́'i kpáawa à mↄ́awa.