SAAMUNƆ.
98.
À lɛ̀ dufu sí Diinɛ, zaakɛ à yãbↄnsaɛnↄ kɛ̀, à zĩ̀ blè kↄ̃n a ↄplaa kɛ̀ kú adona gbãaao. 
Dii tò wà a mìsina dↄ̃̀, à a maakɛna ↄ̀dↄa boriinↄnɛ. 
Gbɛ̃kɛ kↄ̃n náanɛ kɛ̀ à vĩ kↄ̃n Isarailinↄo dↄ̀n, andunalɛzɛkideenↄ wa Luda mìsina è ń píngi. 
Anduna píngi, à pↄnna wii pɛ́ Diinɛ, à gudakɛna kakↄ̃n. 
À mↄrↄlɛna ↄ́ dↄ Diinɛ, à mↄrↄ lɛ́nɛ kↄ̃n lɛ̀sinao 
kↄ̃n kãkãkipɛnao kↄ̃n kuru'ↄo. À pↄnna wii pɛ́ Dii wa Kínanɛ. 
Ísia kↄ̃n pↄ́ kɛ̀ kúnnↄ kĩi kɛ, anduna kↄ̃n gbɛ̃ kɛ̀ aↄ̃ↄ kúnnↄ ń píngi. 
Swaanↄ ↄpa lɛ́ Dii aɛ, kpiiinↄ guda kɛ lɛdolɛ, 
zaakɛ èe mↄↄ yãkpaɛ kɛ tↄↄtɛmɛ. Eé yãkpaɛ kɛ kↄ̃n andunao a zɛ́a, eé yã gↄ̃gↄ̃ gbɛ̃nↄnɛ kↄ̃n yãpuraao.