SAAMUNƆ.
99.
Dii e kí blee, boriinↄ luga, à vɛ̃ɛna kɛrubunↄ dagura, anduna nigã. 
Dii bíta Zayↄn, à dɛ bori píngila. 
Aↄ̃ à tↄ́ bíta naasidee bↄ, à kú adona. 
Kína pì gbãaa vĩ, à ye yãzɛdeezi, àmbe à yãkpaɛkɛna a zɛ́a dìɛ, à yã gↄ̃̀gↄ̃ Yakubu boriinↄnɛ a zɛ́a. 
À Dii wa Luda tↄ́ sɛ́ lezĩ, à kúɛ à tinti aɛ, à kú adona. 
Musa kↄ̃n Arunao kú à gbã̀gbãrinↄ tɛ́, Samuɛlin à sìsirinↄ doke ũ, aↄ̃ à sìsi, ben à wèńla. 
Zaa tɛ́luguu guun à yã òńnɛ, aↄ̃ↄ à doka kↄ̃n à yãdannɛnanↄ kũna. 
Dii wa Luda, n weńla, ḿbe Luda kɛ̀ è ń taari kɛ̃ńnɛ ũ, baa kↄ̃n beeeo n ń yã zaaanↄ wìńnɛ ń musu. 
À Dii wa Luda tↄ́ sɛ́ lezĩ, à dↄnzi kɛnɛ à kpiii kɛ̀ kú adona musu, zaakɛ Dii wa Ludaa kú adona.