SAAMUNƆ.
110.
Dauda lɛ̀. Dii bè ma diinɛ à vɛ̃ɛ a ↄplaazi ai àgↄ̃ à ibɛɛnↄ kɛnɛ à tinti ũ. 
Dii é tó n iko dagula, nɛ́ kí ble n ibɛɛnↄa zaa Zayↄn. 
N gbɛ̃nↄ é ń zĩnda kpámma zĩ̀kagurↄ kpiii kɛ̀ kú adona musu, n gↄ̃kparɛnↄ é mↄ́ n kiia lán gudↄnao kpíikpana bà. 
Dii la dà, eé lɛ́ sↄkparo à bè: Nɛ́gↄ̃ dɛ sa'ori ũ ai gurↄ píngi Mɛlɛkizɛdɛki zɛ́kpaɛa. 
Dii kú n ↄplaazi, eé kínanↄ dúgu zↄ̃ a pↄfɛ̃gurↄ. 
Eé yãkpaɛ kɛ kↄ̃n boriinↄ, aↄ̃ gɛ̀nↄ égↄ̃ kpá, eé anduna píngi kínanↄ dúgu zↄ̃. 
Eé í mi swaazi zɛ́ lɛ́a, beee yãnzin à mì égↄ̃ dana ílazi.