SAAMUNƆ.
113.
Aleluya! Dii zↄ̀blerinↄ, à à táaki lɛ́, à Dii tↄ́ bↄ! 
Wà Dii sáabu kpá zaa tia ai gurↄ píngi. 
Wà Dii tↄ́ bↄ zaa ↄfãntɛ̃bↄɛ kpa ai à gɛ̃kpɛn kpaao. 
Dii bíta dɛ bori píngila, à gakui da musula. 
Dé bé à kà Dii wa Luda ũu? À vɛ̃ɛna kpatan zaa musu, 
è wɛ́ɛ zu gĩzĩ à musu kↄ̃n tↄↄtɛo gwa. 
È gbãasaideenↄ bↄ bùsu tɛ́ à ń fɛɛ, è wɛ̃ndadeenↄ bↄ tubura à ń sɛ́ lezĩ. 
È ń da kínɛnↄ tɛ́, borii kɛ̀ à sɛ̀ kínɛnↄ. 
È pãaa kaara a bɛɛn, è à kɛ nɛ́dande pↄnnadee ũ. Aleluya!