SAAMUNƆ.
116.
Má ye Diizi, zaakɛ à ma yã mà, à ma wiipɛnaazii mà. 
Mɛ́gↄ̃ à sisii ai ma wɛ̃̀ndi lɛ́n, kɛ̀ à swã kpàmazi yãnzi. 
Ga bà fĩ̀kãmazi yã, mira wãwãa tↄ̃̀ma, wɛ́ɛtãmma kↄ̃n pↄsiaao dàmala. 
Ben ma Dii sìsi ma bè: Dii, n yã nna, ǹ ma mì sí. 
Dii sùu vĩ bensↄ̃ à maa, wa Ludaa wɛ̃nda vĩ. 
Dii è gbãasaideenↄ dãkpa, kɛ̀ ma busa, à ma mì sì. 
Ma swɛ̃̀, ǹ kɛkɛ ǹ kpáɛ, zaakɛ Dii yã maaa kɛ̀nnɛ. 
Dii, n ma bↄ gaa lɛ́zĩ, n wɛ́ɛ'i gògomɛ, nɛ́ɛ tó ma gɛ̃̀n síro, 
lɛ màgↄ̃ tɛ́ n aɛ gbɛ̃ bɛ̃ɛnↄ kukiia kɛ̀. 
Baa kɛ̀ nawɛ̃a tↄ̃̀ma ma gↄ̃ búgubugu, má kpɛ́ à náanɛ vĩ, ben ma yã ò. 
Ma bídi kɛ̀ ma bè: Gbɛ̃ píngi nɛ́ ɛgɛdeenↄmɛ. 
Bↄ́n mɛ́ fĩa boo Diinɛ à maaa kɛ̀ à kɛ̀mɛɛ musu píngii? 
Mɛ́ Dii mìsina togo sɛ́ musu, mɛ́ à sísio. 
Mɛ́ lù kɛ̀ má sɛ̀ Diinɛnↄ papa à gbɛ̃nↄ wáa ń píngi. 
Dii yãmarinↄ gana bɛ̀ɛ vĩnɛ. 
Dii, n yã nna, n zↄ̀blerin ma ũ, nↄgbɛ̃ kɛ̀ à dↄ̀nzi nɛ́n ma ũ, n ma bↄ bàn. 
Mɛ́ kɛnnakↄ̃o saa omma, mɛ́ n sísio, Dii. 
Mɛ́ lù kɛ̀ má sɛ̀ Diinɛnↄ papa à gbɛ̃nↄ wáa ń píngi 
à kpɛ́ ua Yerusalɛmu guu. Aleluya!