SAAMUNƆ.
132.
Gana Yerusalɛmu lɛ̀. Dii, ǹ tó Dauda yã gↄ̃ dↄngu kↄ̃n nawɛ̃a kɛ̀ à kɛ̀nↄ píngi. 
À la dà Diinɛ, à lù sɛ̀ Yakubu Luda gbãadeenɛ à bè, 
é gɛ̃ kpɛ́nlo, é daɛ a gádoaro, 
é we à igoba páro, é tó ii na a wɛ́ɛnlo, 
ai à gá guu eo Diinɛ à kpɛ́ dↄ Yakubu Luda gbãadeenɛ. 
Wa à baaru mà Ɛflata bùsun, wa bↄa Yarimu bura. 
Wà gá à kúkiia, wà kúɛ à tinti aɛ. 
Dii, ǹ fɛɛ ǹ su n pitakiia, mpi kↄ̃n n ikokɛ àkpatio. 
N gbã̀gbãrinↄ maakɛɛ da uta ũ, n yãmarinↄ guda gↄ̃ dↄ. 
Ǹton mìkpɛɛ zu kína kɛ̀ ń kànɛro n zↄ̀bleri Dauda yãnzi. 
Dii sì kↄ̃n a kuunao Daudanɛ, à náanɛ vĩ, eé lɛ́ liɛro, à bè: Mɛ́ n boriinↄ doke ká n kpatan. 
Tó n boriinↄ ma bà kuunańyo yã dà, tó aↄ̃ yã kɛ̀ má dàńnɛnↄ kũna, aↄ̃ boriinↄ égↄ̃ vɛ̃ɛ n kpatan gurↄ píngi. 
Zaakɛ Dii Zayↄn sɛ̀, à yezi àgↄ̃ dɛ a vɛ̃ɛkii ũ, à bè: 
Guu kɛ̀n mɛ́gↄ̃ kún gurↄ píngi, gura kɛ̀n mɛ́gↄ̃ vɛ̃ɛnan, zaakɛ à ma pↄↄ gbàmɛ. 
Mɛ́ aubarika dan maamaa, mɛ́ pↄ́blee kpá à takaasideenↄa à mↄ́ḿma. 
Mɛ́ mìsina da à sa'orinↄnɛ uta ũ, ma yãmarinↄ guda égↄ̃ dↄ. 
Gwen mɛ́ Dauda bori kína gbãadee bↄn, gwen kína kɛ̀ má kà tɛ́ égↄ̃ dↄn. 
Mɛ́ wí da à ibɛɛnↄa, à kífura égↄ̃ tɛ́ kɛɛ à mìa.