YAASINƆ.
9.
Ɔ̃ndↄ̃ↄ a kpɛ́ bò, à a wesagbanↄ à mɛ̀n swɛɛplaa à pɛ̀ɛpɛɛ, 
à nↄ̀bↄ dɛ̀ à wɛ̃ɛ bà, à pↄ́bleenↄ soru kɛ̀ à kàɛ. 
À a nↄkparɛ zĩkɛrinↄ zĩ̀, èe lɛ́ zuu wɛ́tɛ sĩ̀sĩ mìsↄ̃ntɛ̃a à bè: 
A faasaideenↄ à ɛara à mↄ́ kɛ̀! A laasuusaideenↄ mɛ́ɛ ooare, 
à mↄ́ à ma pↄ́blee ble, à wɛ̃ɛ kɛ̀ má bà mi. 
À a yↄ̃nkↄkɛɛ tó, égↄ̃ kú wɛ̃̀ndio, à táa o wɛ́ɛkɛ̃na zɛ́n. 
Gbɛ̃ kɛ̀ èe fabori daa zɛ́a e sↄ̃sↄ̃ wɛtɛɛmɛ, gbɛ̃ kɛ̀ èe kpãkɛ̃ɛ zaakɛrizi e taari wɛtɛɛ a zĩndanɛmɛ. 
Ǹton kpãkɛ̃ faboriziro, zaakɛ eé kɛnyo ĩimɛ, ǹ ↄ̃ndↄ̃dee da zɛ́a, eégↄ̃ yenzi. 
Ǹ yã da ↄ̃ndↄ̃rinɛ, à ↄ̃ndↄ̃ↄ é diàlɛ, ǹ yã o gbɛ̃ maaanɛ, à dↄ̃na é kaara. 
Vĩakɛna Diinɛn ↄ̃ndↄ̃ kãsãa ũ, Luda kɛ̀ kú adona dↄ̃nan wɛ́ɛkɛ̃na zɛ́ ũ. 
Zaakɛ nɛ́ gì kɛ ma gãzĩ, n wɛ̃̀ndi gbã̀a é kaara. 
Tó ń ↄ̃ndↄ̃, n zĩndanɛmɛ, tó faborin n ũ, n mì musu. 
Mìsaikɛɛ dɛ lán nↄgbɛ̃ lɛ́dee bàmɛ, à ↄ̃ndↄ̃ↄ vĩro bensↄ̃ à yãke dↄ̃ro. 
È vɛ̃ɛ kìtaa a kpɛɛlɛ, à kpɛ́ kú wɛ́tɛ sĩ̀sĩa, 
èe lɛ́ zuu gbɛ̃ kɛ̀ aↄ̃ↄe gɛ̃tɛɛnↄzi, èe bee gbɛ̃ kɛ̀ aↄ̃ↄ tɛ́ ń zɛ́n súusunↄnɛ: 
A faasaideenↄ à ɛara à mↄ́ kɛ̀! A laasuusaideenↄ, mɛ́ɛ ooare, 
í kpãi mina ègↄ̃ nna, pↄ́blena asii guu nɛ́ zↄ́mɛ. 
Gbɛ̃ pìnↄↄ dↄ̃ kɛ̀ beee nɛ́ gɛ̀wãa zɛ́nlo, gbɛ̃ kɛ̀ mìsaikɛɛ ń sisinↄ sì gɛ̀wãa tùtuwɛɛn.