Diutelonomi.
6.
Isalaela, au ataꞌatahi! Guyau eda Yaubada, in iyabona mate Guyau! 
Ma nuwamiu, yo yaluwamiu ma ofi fahidi, yo ma adidilimiu. Guyau emi Yaubada au gadosisiyen. 
Laugagayodi, E fafalibamiu, aho te, bena ami nuwatuhu didinidi. 
Nanatumiu bena ami fatalahadi: Yena emi ai luma, ami taꞌataꞌai, yo edaꞌeda yai ami laulau, e ami laulau eno, yo yena ami eno obiyo, bena fuya ouꞌouli, ami fafanuwa hitinidi.