Isaiya.
7.
Guyau ya liba fuyo Kin Ahasi lisina iyen, 
“Guyau em Yaubada u fatiꞌoi be fafaꞌilala ai tanohi ubuna o ai galewa hewa wananahana i felem.” 
In moho Ahasi iyen, “Ibege Guyau ya lauꞌita. Yau ibege fafaꞌilala ya anꞌetai.” 
Yo fede Isaiya iyen, Baꞌisa Deiwidi wahana, aho ite u ataꞌatahi! Dodoga haꞌa edi loholoho wa lau lubui, na ite hinaga bena Yaubada ena loholoho wa lau lubui? 
Debana yai, Guyau ibona haba fafaꞌilala ya felem: fafaꞌilalana mate tineꞌeu nuwa supusupuna ya boga haba natuna taumoho ya yosi, na hesana haba ya tole “Imanuwela.”