Psalms.
23.
Wangarr an-gata ay-ninyarrapa ay-workiya nipa an-ngaypa jaga a-ganaja apula a-workiya. Gala gun-nga barrwa jal ngu-ni. 
Nipa nguna-ganyja gun-molamola gu-rrawa balaja gu-murna. Nguna-gurdagurdarraja bugula warlwarl gu-werrwerrjinga gu-bamburda barra ngu-bay. 
Wolawola ngu-nyarlkuch ngu-nirra, nipa a-gunggajinga apula a-workiya, ngu-molamola ngu-ninyarra. Nipa mu-ngoyurra a-bamburda a-workiya, jarlakarr gun-molamola gu-mangga a-workiya barra ngaypa ngu-jurrjurrma rrapa aburr-werranga abi-na nipa an-molamola. 
Wuriya ngu-bamba an-munya gu-mayana gu-ji, gun-gujuwa yi-gurrepa, wurra ngaypa gala barra ng-gurkuja. Wurra nginyipa wugupa apula. Gun-nginyipa gun-gugarlakarlaja gu-guyinda nginyipa jechinawa jechinawa nguna-nenga ny-yorkiya, ngaypa ngu-bamburda, rrapa ny-jorlkakaja apula ny-yorkiya. Gun-narda ngaypa ngu-borrwuja ngu-workiya, rrapa ngu-nyiljinga. 
Aburr-gata mari gubi-rrimanga apula aburr-workiya, birripa ngunabi-nacha nginyipa nawanawa nyi-nirra apula ny-yorkiya janara. Nginyipa ny-jonyjinga apula, rrapa bama ngu-jirra nguna-gurragaja woyil (oil) ana-guyinda, ganyjarr minypa nguna-wucha. An-ngaypa mernda a-jirra ngana gu-mayana gun-molamola gun-gunyilja nginyipa ny-borrwurra apula. 
Ganapiya. Ngaypa wuparnana ng-galiyarra rrapa marn.gi ngu-nirra nginyipa wugupa apula ngorrngurra gun-bulapalawa gu-yinmiyapa gu-yurra apula. Ngardawa nginyipa ny-jurdiya ny-molamola. Gurrurta n-dimahga, rrapa gala ny-yinmiya ny-bamapa apula. Gun-burral! Wangarr an-gata ay-nyinyarrapa ay-workiya nipa ana-murna ngaypa ngu-nipa barra ngu-workiya.