Luda yã takada kũ Bisã yão NAANAA 36

Isau burinↄ

1 Isau kũ òdi pinɛ dↄ Ɛdↄmu burinↄ yãn dí. 2 Isau Kanaa nↄgbɛ̃nↄ sɛ̀, Iti buri Ɛlↄni nɛ́ Ada kũ Ivi buri Ana nɛ́ Ɔↄlibama, Zibɛↄ̃ daikoreo. 3 À Sumaila nɛ́ Basɛma, Nɛbayo dãre sɛ̀ dↄ. 4 Ada Ɛlifaza ì kãao, akũ Basɛma Ruɛli ì. 5 Ɔↄlibama Yeusu kũ Yalamuo kũ Koraoo ì. Isau nɛ́gↄ̃gbɛ̃ kũ ò ń í Kanaanↄ bùsunnↄn gwe.

6 Isau a nↄnↄ sɛ̀tɛ kũ a nɛ́gↄ̃gbɛ̃nↄ kũ a nɛ́nↄgbɛ̃nↄ kũ a bedenↄ ń pínki kũ a pↄ́kãdenↄ kũ a aruzɛkɛ kũ à lè Kanaanↄ bùsunnↄ pínki, akũ à gɛ̀ɛ Sei bùsun, à zã̀ kũ a dakũna Yakubuo, 7 zaakũ ń aruzɛkɛ zↄ̃kↄ̃ mɛ́ à tò oni fↄ̃ ògↄ̃ kú kũ kↄ̃oro. Bùsu kũ ò kun dí mↄ́ḿmaro kũ ń pↄ́nↄn dasi yãi. 8 Isau vùtɛ Sei gusĩsĩden kũ òdi pi tera Ɛdↄmu.

9 Isau kũ à de Ɛdↄmunↄ dizi káaku ũ burinↄn dí. 10 Isau nɛ́gↄ̃gbɛ̃nↄ tↄ́n dí: Ada nɛ́ Ɛlifaza kũ Basɛma nɛ́ Ruɛlio. 11 Ɛlifaza nɛ́gↄ̃gbɛ̃nↄn Temana, Omaa, Zefo, Gatamu kũ Kenazio ũ. 12 Ɛlifaza nↄ yìgisaridemɛ Timina ũ. Àkũ mɛ́ à Amalɛki ì kãao. Isau nↄ Ada daikorenↄn gwe. 13 Ruɛli nɛ́gↄ̃gbɛ̃nↄn dí: Naata, Zɛra, Sama kũ Mizao. Isau nↄ Basɛma daikorenↄn gwe. 14 Isau nↄ Ɔↄlibama nɛ́gↄ̃gbɛ̃nↄn dí: Yeusu, Yalamu kũ Korao.

15 Isau buri kínanↄn dí. Isau daudu Ɛlifaza buri kínanↄn Temana, Omaa, Zefo, Kenazi, 16 Kora, Gatamu kũ Amalɛkio ũ. Ɛlifaza buri kínanↄ, Ada daikorenↄn gwe. Ò kú Ɛdↄmu bùsun. 17 Isau nɛ́ Ruɛli buri kínanↄn dí: Naata, Zɛra, Sama kũ Mizao. Ruɛli buri kínanↄ, Basɛma daikorenↄn gwe. Ò kú Ɛdↄmu bùsun. 18 Isau nↄ Ɔↄlibama buri kínanↄn dí: Yeusu, Yalamu kũ Korao. Ana nɛ́ Ɔↄlibama daikorenↄn gwe. 19 Isau kũ òdi pinɛ dↄ Ɛdↄmu nɛ́gↄ̃gbɛ̃nↄn gwe, a buri kínanↄn gwe.

Sei burinↄ

20 Sei, Ori buri kũ à kú Ɛdↄmu bùsun zaa káaku nɛ́gↄ̃gbɛ̃nↄn dí: Lotana, Sobala, Zibɛↄ̃, Ana, 21 Disↄ̃, Ɛza kũ Disão. 22 Lotana nɛ́gↄ̃gbɛ̃nↄn dí: Ori kũ Omamuo. Lotana dãren Timina ũ. 23 Sobala nɛ́gↄ̃gbɛ̃nↄn dí: Alavã, Manaa, Ebala, Sefo kũ Onamuo. 24 Zibɛↄ̃ nɛ́gↄ̃gbɛ̃nↄn dí: Aya kũ Anao. Ana pì mɛ́ à bò ísɛ̃boki wãnaa zaa gbárannan gↄrↄ kũ àtɛni a de zaakinↄ dã. 25 Ana nɛ́gↄ̃gbɛ̃n Disↄ̃ ũ, a nɛ́nↄgbɛ̃ sↄ̃ Ɔↄlibama. 26 Disↄ̃ nɛ́gↄ̃gbɛ̃nↄn dí: Ɛmɛdã, Ɛsɛbã, Itirana kũ Keranao. 27 Ɛza nɛ́gↄ̃gbɛ̃nↄn dí: Bilana, Zavã kũ Akanao. 28 Disã nɛ́gↄ̃gbɛ̃nↄn dí: Uzu kũ Aranao. 29 Ori buri kínanↄn dí: Lotana, Sobala, Zibɛↄ̃, Ana, 30 Disↄ̃, Ɛza kũ Disão. Ori buri kínanↄ kũ ń buri kũ ò kú Sei bùsunnↄn gwe.

31 Kína kũ ò kí blè Ɛdↄmu bùsun Isarailanↄ kínanↄ ãnↄn dí. 32 Bɛↄ nɛ́ Bɛla, Dinaba gbɛ̃ mɛ́ à kí blè Ɛdↄmu káaku. 33 Kũ à gà, akũ Zɛra nɛ́ Yobabu, Bↄzↄra gbɛ̃ kí blè a gɛ̃nɛ ũ. 34 Kũ à gà, akũ Temana bùsu gbɛ̃ Usamu kí blè a gɛ̃nɛ ũ. 35 Kũ à gà, akũ Bedada nɛ́ Adada, Avi gbɛ̃ kí blè a gɛ̃nɛ ũ. Àkũ mɛ́ à zĩ̀i blè Midiãnↄa Mↄabunↄ bùsun. 36 Kũ à gà, akũ Masareka gbɛ̃ Samala kí blè a gɛ̃nɛ ũ. 37 Kũ à gà, akũ Reobo kũ à kú Yuflati sarɛ gbɛ̃ Saulu kí blè a gɛ̃nɛ ũ. 38 Kũ à gà, akũ Akabo nɛ́ Baali Ana kí blè a gɛ̃nɛ ũ. 39 Kũ à gà, akũ Pau gbɛ̃ Adada kí blè a gɛ̃nɛ ũ. A nↄ tↄ́n Mɛtabɛli, Matarɛdi nɛ́mɛ, Mɛzaba daikoremɛ.

40 Isau buri kínanↄ tↄ́n dí kũ ń bùsunↄ: Timina, Alava, Yɛtɛ, 41 Ɔↄlibama, Ela, Pinↄ, 42 Kenazi, Temana, Mibiza, 43 Magadiɛli kũ Iramuo. Ɛdↄmu kínanↄ tↄ́n gwe wɛ̃tɛ kũ wɛ̃tɛo bùsu kũ ò vùtɛn. Isau kũ à de Ɛdↄmunↄ dizi ũ burinↄn gwe.