1 Ari bↄrɛɛ, Dikiri?

Ma yã nigↄ̃ sãngu gↄrↄ sĩnda pínkin yá?

Ĩni kpɛ limɛnɛ ari bↄrɛmɛɛ?

2 Manigↄ̃ ↄsi ká kũ ma laasunnↄ ari bↄrɛmɛɛ?

Ma pↄ dìgↄ̃ sira lákũ gu dìgↄ̃ dↄ nà,

ma ibɛrɛ nigↄ̃ gbãna blema ari bↄrɛmɛɛ?

3 Dikiri ma Luda, ǹ ma gwa ǹ ma yã ma,

ǹ ma ãn weremɛnɛ de màsun garo yãi,

4 de ma ibɛrɛ sún pi a ma nɛro yãi,

de ma zãngurinↄ sún pↄnna kɛ ma fuana yã musuro.

5 Matɛni n gbɛ̃kɛ náani kɛ,

ma pↄ kɛ̀ nna kũ n ma sura bà.

6 Mani lɛ̀ sí Dikirinɛ,

zaakũ à yã mana kɛ̀mɛnɛ.