1 Dikiri mɛ́ àtɛn kí ble,

zĩtɛdenↄ pↄnna kɛ,

ísirabaradenↄ gↄ̃ kú pↄnna gũn.

2 Legũ luku kũ gusira níkinikio likai,

manakɛ kũ yãzɛdeoomɛ a kpata zĩni ũ.

3 Tɛ́ dìgↄ̃ kũ a arɛ,

àdi ibɛrɛ kũ ò likainↄ kpata.

4 A legũpinaa dì zĩtɛ pu,

tó andunia è, àdi luka.

5 Kpinↄ dì yↄ́ lán zↄ́saa bà Dikiri arɛ,

andunia pínki Dikiri arɛ.

6 Musudenↄ dì a manakɛ kpàkpa kɛ,

buri sĩnda pínki dì a gakuri e.

7 Wé'i dì tãnagbagbarinↄ kũ ń pínki,

gbɛ̃ kũ òdi ĩa dã kũ pↄ́ ginanↄ.

Tãnanↄ ni donyĩ kɛnɛ ń pínki.

8 Zaiↄ̃denↄ mà ò pↄnna kɛ̀,

Yuda wɛ̃tɛdenↄn kú pↄnna gũn

n yãkpatɛkɛnanↄ yãi, Dikiri.

9 Zaakũ ń kú musu de andunia pínkila,

Dikiri, ń de tãnanↄla ń pínki.

10 Dikiri ye gbɛ̃ kũ ò zã̀ yã vãninnↄi,

àdigↄ̃ a yãmarinↄ wɛ̃̀ndi dãkpã,

àdi ń bo yãvãnikɛrinↄ ↄĩ.

11 Gu dì dↄ gbɛ̃ mananↄa,

nɛ̀sɛpuradenↄn pↄnna vĩ.

12 Gbɛ̃ mananↄ, à pↄnna kɛ Dikiri gũn,

à a tↄ́ kũ à kú adona bo.