1 Kũ Isarailanↄ bò Misila,

kũ Yakubu burinↄ bò gbɛ̃ zĩ̀tↄnↄ tɛ́,

2 Yudanↄ bùsuu gↄ̃̀ Dikiri kúki ũ,

Isarailanↄ bùsuu gↄ̃̀ a kíbleki ũ.

3 Isira Tɛ̃ra wɛ́ sìńlɛ à bàa lɛ̀,

Yoda í ɛ̀ra kpɛ.

4 Kpinↄ vĩ̀vĩ lán sãkaronↄ bà,

sĩ̀sĩnↄ kↄrↄ lɛ̀ lán sãnɛnↄ bà.

5 Ísira, bↄ́ mɛ́ à n le n bàa lɛ̀ɛ?

Yoda, à kɛ̀ dera n ɛ̀ra kpɛɛ?

6 Kpinↄ, bↄ́yãin a vĩvĩ lán sãkaronↄ bàa?

Sĩ̀sĩnↄ, à kɛ̀ dera a kↄrↄ lɛ̀ lán sãnɛnↄ bàa?

7 Andunia, ǹ yĩgãyĩgã Dikiri arɛ,

Yakubu Luda arɛ.

8 À gbɛ̀si kɛ̀ íkatɛki ũ,

à gbɛ̀pu lì ísɛ̃boki ũ.