ZABURA.
2.
Bↄ́yãi burinↄ tɛn zuka káa? À kɛ̀ dera òtɛn lɛ́ pã kpákũsũu? 
Andunia kínanↄ tɛn zĩ̀ soru kɛ, kpatablerinↄ tɛn kakara Dikirii kũ Kína kũ à kào. 
Òtɛn pi: Ò ń mↄ̀kakↄ̃ananↄ kɛ̃kɛ̃, ò ń bàa porowá. 
Dikiri tɛni ń fobo, à vutɛna musu, àtɛni ń yáa dↄ. 
Àtɛn pataḿma kũ pↄfɛ̃o, a pɛ̃tɛ̃ dì ń gba vĩna. 
À pì a a Kína kà a kpi Zaiↄ̃ musu. 
Mani yã kũ Dikiri dìtɛmɛnɛ o kũ à pì: Ma Nɛ́mɛ n ũ, gbãran ma n i. 
Ǹ wɛ́ kɛma, mani buri sĩnda pínki kpámma n pↄ́ ũ, mani n gba andunia kusuru siikↄ̃. 
Ĩni kí bleḿma kũ mↄ̀ gòoo, ĩni ń wíwi lákũ òdi oro wíwi nà. 
Kínanↄ, à lɛ́damma díkĩna ma, andunia kpatablerinↄ, à ↄ̃ndↄ̃ kũ sà. 
À do Dikirii kũ vĩnao, à pↄnna kɛo kũ lukanaao. 
À lɛ́ pɛ́ a Nɛ́a de a pↄ sún fɛ̃ái à gaga zɛ́nlo, zaakũ a pↄ dì fɛ̃ kãntomɛ. Arubarikaden gbɛ̃ kũ à nài ũ.