ZABURA.
5.
Dauda lɛ̀ɛ. Òdi sí kũ kutɛpɛnaaomɛ. Ǹ sã kpá ma yãi, Dikiri, ǹ laakari dↄ ma ndanaaa. 
Ma Kína, ǹ ma ↄ́ↄdↄna ma, ma Luda, matɛn wɛ́ kɛmma. 
Dikiri, ndì ma kòto ma gudↄo, madì ma yãnↄ dↄdↄnnɛ kↄnkↄ, ma wɛ́ dìgↄ̃ dↄnyĩ. 
Mↄkↄ̃n Luda ń ye yã vãniiro, ndìgↄ̃ kú lɛɛlɛ kũ gbɛ̃ vãnioro. 
Ĩadãrii dì le à zɛ n arɛro, n zã yãvãnikɛrinↄi ń pínki. 
Dikiri, ndì ɛ́kɛdenↄ mì dɛ, ń ye gbɛ̃dɛrinↄ kũ gbɛ̃blerinↄ kãiro. 
Makũ sↄ̃, mani gɛ̃ n ↄnn n gbɛ̃kɛ zↄ̃kↄ̃ yãi, mani kútɛ mà arɛ dↄ n kpɛ́a mà mì natɛnnɛ. 
Dikiri, ǹ ma da zɛ́n n náanikɛna yãi, ǹ zɛ́ poromɛnɛ ma wɛtɛrinↄ yãi. 
Zaakũ ń yãke náani vĩro, ń nɛ̀sɛ de lán kaka bɛ bàmɛ, ń kòto de lán mira wɛ̃naa bàmɛ, òdi lɛ́nna kɛńnɛ. 
Ǹ tó yã vutɛḿma Luda, ǹ tó yã vãni kũ òtɛn kpákpanↄ wí ń musu. Ǹ pɛ́ḿma n arɛ ń taari dasinↄ yãi, zaakũ ò gì n yã mai. 
Ǹ tó gbɛ̃ kũ ò utɛna n kĩnaanↄ yáa dↄ, ògↄ̃ lɛ̀ sí kũ pↄnnao gↄrↄ sĩnda pínki. Ǹ ↄ kú gbɛ̃ kũ ò yenyĩnↄa, de ò pↄnna kɛ n yã musu. 
Dikiri, ndì arubarika da gbɛ̃ mananↄgu, ndì likańyĩ kũ yenyĩo lán sɛ̃gbako bà.