ZABURA.
11.
Dauda lɛ̀ɛ. Ma na Dikirii. Bↄ́ yã mɛ́ à tò átɛn pimɛnɛ mà vura mà tá kpi musu lán bã bàa? 
À yãvãnikɛrinↄ gwa, ò kàa kpà sála, ò nàtɛ gusarɛ ò ń sá gà, ò kàa dↄ̀dↄ nɛ̀sɛmanadenↄa. 
Tó futɛokarayã tɛn kakatɛ, gbɛ̃ mananↄ ni kɛ deramɛɛ? 
Dikiri kú a kpɛ́ kũ à kú adonaa gũn, à vutɛna kpatan musu gwe. Àdi wɛ́ pɛ́ bisãsirinↄla à ń tàasi ká. 
Dikiri dì gbɛ̃ mananↄ gwagwa, ama à zã̀ yãvãnikɛrinↄgu kũ gbɛ̃ kũ yã pãsĩ dì kɛńnɛ nnanↄ. 
Ani tɛ́yↄ̃ kũ ifãntɛ̃gbↄ̃ↄo kú yãvãnikɛrinↄa, ĩa wãna mɛ́ anigↄ̃ de ń baka ũ. 
Zaakũ Dikiri dì yã kɛ a zɛ́a, yãmanakɛnaa dì kɛnɛ nna, gbɛ̃ mananↄ ni wɛ́ kɛ kãao pla.