ZABURA.
12.
Dauda lɛ̀ɛ. Òdi sí kũ mↄrↄlɛnaaomɛ. Ǹ ma sura ba, Dikiri, zaakũ gbɛ̃ mana ke kun doro, náanide làka bisãsirinↄ tɛ́. 
Baadi dì ɛ́kɛ to a gbɛ̃dakenɛ, àdi lɛ́nna kásańnɛ kũ nɛ̀sɛplao. 
Dikiri, ǹ lɛ́nnade lɛ́ kↄ̀ ɛ́ kũ zĩdabiri pínki pↄ́o. 
Òdi pi ń lɛ́ mɛ́ ani tó ò zĩ̀ ble, ò ń lɛ́ vĩ, dí mɛ́ ani kí bleḿmaa? 
Wɛ́tãna gbɛ̃ busɛnↄa kũ wɛ̃ndadenↄ ndanaao yãi Dikiri pì áni futɛ sà à ń gba zɛ́boki kũ òtɛni a ni dɛ. 
Dikiri yã mamberu vĩro, à de lán andurufu kũ ò yↄ̀ tɛ́vuraa gũn ò bàasa gɛ̃̀n suppla bà. 
Mↄkↄ̃n Dikiri, ĩnigↄ̃ ó dãkpã gↄrↄ sĩnda pínki, ń ó sí gbɛ̃ bire takanↄa. 
Tó gbɛ̃nↄ yã bɛ̃̀nɛ kũ̀ ↄplapla, gbɛ̃ vãninↄ dìgↄ̃ kure kũ zĩdabio gu sĩnda pínkia.