ZABURA.
30.
Lɛ̀ kũ Dauda dà Luda ↄn sakɛna yãi. Mani n tↄ́ sɛ́ lei Dikiri, zaakũ n ma kara, ńdi tó ma ibɛrɛnↄ ma nɛro. 
Dikiri ma Luda, ma ↄ́ↄ dↄ̀nnɛ, akũ n ma gba aafia. 
Dikiri, n ma si miraa, ńdi tó ma si gyãwãnnlo. 
Dikiri gbɛ̃nↄ, à a tↄ́ kpá, à a tↄ́ kũ à kú adona sáabu kpá. 
Zaakũ a pↄfɛ̃naa dì la kũ lao lero, à arubarika mɛ́ àdigↄ̃ kun ari gbɛ̃ wɛ̃̀ndi lɛ́n. Ɔ́ↄdↄnaa dìgↄ̃ kun gwãani, akũ gu dì dↄ kũ pↄnnao. 
Kũ má kú nnamanaa gũn ma pì: Mani kpágula zikiro. 
Dikiri, kũ n arubarikaa dàmagu, n ma zɛ gíngin lán kpi bà. Ama kũ n kpɛ lìmɛnɛ, ma gↄ̃ bídi gũn. 
Mↄkↄ̃n Dikiri, ma n sisi, ma kútɛ kɛ̀ ma dikiriinɛ ma pì: 
Bↄ́ àreen ma gana ke ma sina gyãwãn vĩi? Ma mira ni n tↄ́ kpán yá? Ani n náani kpàkpa kɛn yá? 
Ǹ ma yã ma Dikiri ǹ ma wɛ̃nda gwa, Dikiri, ǹgↄ̃ de ma kpanyĩri ũ. 
N ma ↄ́ↄdↄnaa lìtɛ ũwãna ũ, n ma uta kasanↄ bↄ̀tɛma, n pↄnna dàmɛnɛ pↄ́kasa ũ. 
Manigↄ̃ yĩtɛnaro, manigↄ̃ n tↄ́ kpámɛ, Dikiri ma Luda, manigↄ̃ n sáabu kpá gↄrↄ sĩnda pínki.