ZABURA.
41.
Dauda lɛ̀ɛ. Arubarikaden gbɛ̃ kũ àdi gbãnasaride yã da ũ, Dikiri dì a bo warikɛnagↄrↄa. 
Dikiri ni à dãkpã à a gba wɛ̃̀ndi gbã̀na, ani arubarika daagu a bùsun, ani a kpá a ibɛrɛnↄa ò ń pↄyeina kɛaro. 
Dikiri ni zɛ kãao tó à wutɛna gyãn, ani tó à futɛ gyã pìn aafia. 
Ma pì: Dikiri, ma durunna kɛ̀nnɛ, ǹ ma wɛ̃nda gwa, ń ma gba aafiaa. 
Ma ibɛrɛnↄ tɛni ma wɛtɛ kũ gao ò pì: Bↄrɛn ani ga de a tↄ́ sãtɛɛ? 
Tó ò sù ma gwa, yã pãn òdi omɛnɛ, òdi baaru vãni wɛtɛ ma yã musu, gbasa òdi futɛ ò gɛ́ ò yã pì fã bàai. 
Ma zãngurinↄ dì ma kpákpa kũ yã vãnio, ń pínki òdi àlesi vãni dↄma ò pi: 
Gagagyã mɛ́ à a lè, ani futɛ a wutɛna bire gũn doro. 
Bee ma gbɛ̃nna kũ ma a náani kɛ̀, kũ odì ↄ kakara ta dokↄ̃nↄ gũn bò ma kpɛ. 
Mↄkↄ̃n sↄ̃ Dikiri, ǹ ma wɛ̃nda gwa, ǹ ma gba aafiaa de mà fĩna bońnɛ. 
Tó ma ibɛrɛnↄ dí ma yↄ̃̀gↄ̃ kɛmaro, manigↄ̃ dↄ̃ sà kũ ma yã kàngu. 
Ń ma kũna ma nɛ̀sɛmana yãi, ń tò màgↄ̃ kú n arɛ gↄrↄ sĩnda pínki. 
Arubarikade Dikiri, Isarailanↄ Luda zaa káaku ari gↄrↄ sĩnda pínki! Aami! Aami!