ZABURA.
47.
Kora burinↄ lɛ̀ɛ. Buri sĩnda pínki, à ↄkpa lɛ́, à pↄnna wiki lɛ́ Ludanɛ kũ ayuwiio. 
Zaakũ Dikiri Musude naasi vĩ, andunia pínki Kína zↄ̃kↄ̃ↄmɛ a ũ. 
À tò o zĩ̀i blè burinↄa, à tò o gɛ̀sɛɛ pɛ̀tɛ gbɛ̃nↄa. 
À ó zĩtɛ bakaa kpàwá, a yenyĩde Yakubu burinↄ ĩadãbↄ ũ. 
Luda fùtɛ, òtɛn ayuwii kɛ, Dikiri zɛna, òtɛn kuru pɛ́. 
À lɛ̀ sí Ludanɛ, à lɛ̀ sínɛ, à lɛ̀ sí ó Kínanɛ, à lɛ̀ sínɛ. 
Zaakũ andunia pínki Kínamɛ a ũ, à lɛ̀ sínɛ kũ dↄ̃naao. 
Luda tɛn kí ble burinↄa, à vutɛna a kpata kũ à kú adonaaa. 
Burinↄ kpatablerinↄ tɛn kↄ̃ kakara gbɛ̃ kũ ò de Ibrahĩ Luda gbɛ̃nↄ ũ, zaakũ andunia kínanↄ bi Luda pↄ́mɛ. À deńla ń pínki.