ZABURA.
54.
Lɛ̀ kũ Dauda dà gↄrↄ kũ Zifidenↄ gɛ̀ɛ ò pì Solunɛ, Dauda utɛna ń bùsun. Luda, ǹ ma sura ba n tↄ́ yãi, ǹ yã símɛnɛ kũ n gbãnao. 
Luda, ǹ ma aduakɛna ma, ǹ sã kpá ma yã'onaai. 
Zaakũ buri pãndenↄ fùtɛmai, gbɛ̃ pãsĩnↄ tɛni ma wɛ ò ma dɛ, òdi Luda yã daro. 
Ludamɛ ma kpanyĩri ũ, Dikiri mɛ́ à ma kũna. 
Ǹ ma zãngurinↄ vãni ɛraḿma, ǹ ń dúgu zↄ̃ n náani yãi. 
Mani sa omma kũ ma pↄyeinaao, mani n tↄ́ bo Dikiri, zaakũ ń mana. 
À ma bo ma warinↄ gũn pínki, à tò ma yↄ̃̀gↄ̃ kɛ̀ ma ibɛrɛnↄa.